Raibīs Suņs
Tai maņ nazkod krystameitys krystobuos saceja Bieržgaļa bazneickungs. Navar napīkrist. Krystameitu nūkristejom, vyss labi.
Ruodīs, tai i dzeivojom - kotrys sovā puosokā, tok vīnā laikā.
Tok zyni, sovuos voi cytu puosokuos atsarūn ari pa kaidam uokstam. Capureitē dakuorti skaņ zvaneni, izlykts lopsys smaids i vēļ ar prīcu pyuš stabuleitēs.
Tu jau zyni, ka tuos nav tovys stabuleitis, nav vītejais ražuojums, bet juopyuš i juodoncoj ir. Ka jau pasūleiti trejdeveni aizjiurys breinumi, izavaireit gryuši.
Kotram sova taisneiba. Piec scenareja vysim teik pa lūmai. Cik labi jū nūspieleisi, atkareigs nu poša aktīra prasmis.
Nui, tys uzroksts «Vīnuoti Latvejai», kas stuov iz Latgolys Muorys pīminekļa, nav izlykts taipat viņ, aiz nikuo dareit. Taipat kai trešuo zvaigzne Breiveibys pīminekļa Mildys rūkuos.
