Guntis Rasims
Latgalīšu kulturys goda bolva Boņuks itūgod tyka pasnīgta jau pīktū godu. Cytugod jū, cerams, organizēs cyti ļauds.
Siežūt pi ols, saprotom, ka latgalīšim nav pasuokuma, kur tyktu apkūpuoti i saleidzynuoti goda laikā radeitī dorbi. Kab bolvu padareit personiskuo-ku, sprīdem par vuorda dūšonu. Varianti beja vairuoki - Izidors, Jezups i cyti. Izsprīdem, ka Cylvāka bārns Boņuks bolvu dareis tyvuoku cylvākim.
Bejom īceriejuši nalelu ceremoneju kaidā kopejneicā, tok pasuokums jau pyrmajā godā nūtyka kulturys nomā. Kritikys nikod nav tryucs - kaids vysod sasajuss ni da gola nūvārtāts, sabučuots ci pasveicynuots.
Latgalīšu kulturu navar saleidzynuot ar Eiropys ci Amerikys vierīni. Tok situaceja ir absurda - iz puors jaunīšu placu teik iznasta tautys kulturys puorraudzeiba. Prūtams, tū varātu i nadareit i gruomotuos raksteit i par keltu, i latgalīšu paguotni bez turpynuojuma.
