Vladimirs Lindermans. Foto: Ieva Čīka, LETA
Bīdreiba "Latgolys Saeima" izsoka publisku nūsūdejumu Latgolys autonomejis konfereņcei, kas tyka organizāta 2012. gods 8. decembrī Daugovpilī.
Tei ir beistama situaceja, kod pretvalstsiski dūmojūši i uorpus Latgolys dzeivojūši spāki īsasaista darbeibuos, kas tīšā veidā ir kaitnīcyskys Latvejis vaļstei i Latgolys latvīšim, taipoš kai lojali nūskaņuotim cytu tauteibu puorstuovim Latgolā.
Latgolā dzeivoj 46% latvīšu i faktiski Latgolā mes jau asom minoritate. Taidūs apstuokļūs sevkura autonomeja ir beistama, partū ka byutu latvyska piec nūsaukuma, bet slaviska, vēļ precizuok, padūmejiska, piec satura i pīpiļdiejuma.
Taids stuovūkļs ir izaveiduojs nanūvārstūs okupacejis seku rezultatā i pasateicūt tam, ka īprīškejūs 20 godu naatkareibys laikā Latvejis vaļsts vadeituoji lelā mārā beja ignoriejuši Latgolā asūšuos ekonomiskuos atpaliceibys, kulturys sovpateibys i rusifikacejis problemys.
