Pavasars daudzuos Latgolys školuos ir vuolyudzānu laiks. Školāni i školuotuoji cyloj i puorcyloj, skaita i puorskaita latgaliskūs tekstus – izalosa, kū runuot skotuvis runys konkursā Vuolyudzāni.
Sevkurs puornūvodnīks varātu vaicuot, parkū itys konkurss ir vajadzeigs i parkū jis tik populars. Pavysam vīnkuorši – konkursā vysi runoj latgaliski. Latgolys školu bārni pīsadola ari vaļsts mārūga konkursā, bet daudzus attur tys, ka mes na vysod muokam izrunuot vysys latvīšu literaruos volūdys intonacejis. Tys ir dabiski – latgalīšu volūdā nav stīptuos intonacejis. Vēļ juopīmiņ i tys, ka Vuolyudzānu atmosfera vysod ir breiva i draudzeiga. Var ar vysu byutīni sajust, ka ite vysi ir sovejī. Partū konkursā pīsadola ari tī školāni, kurī kasdīnā kaunejās runuot latgaliski – te jī runoj breivi i nu sirds.
Paraleli skotuvis runys konkursam nūteik ari atkluotuo olimpiade vydsškolānu komandom par Latgolys kulturys, viesturis, volūdys i literaturys vaicuojumim. Vydsškolāni vaicoj informaceju i skaita presis izdavumus, gruomotys i interneta resursus, vuicuos raksteit latgaliski. Tys nav ni vīgli, ni vīnkuorši. Vajag papyldu laika i dorba kai nu školuotuoja, tai i nu školāna – naviņ deļtuo, ka sevkurs konkurss tuo prosa, bet vēļ deļtuo, ka juosavuica skaiteit i raksteit latgaliski. Školuos nav taidu vuiceibu prīkšmatu kai latgalīšu volūda, literatura, regiona kultura i viesture. A vajadzātu. Ari dieļ faktu skaidreibys.
Lai lasītu šo rakstu tālāk, lūdzam autorizēties ar savu epastu vai sociālā tīkla kontu:
Ja vēl neesi abonents, aicinām pievienoties mūsu lasītāju pulkam. Abonējot digitālo žurnālu, saņemsi piekļuvi rakstiem nekavējoties.