Atīmūt pavasaram, godalaiku maiņā apleik vysaidi virusi i bacili. Bakterejis atsarūn vairuokuos vītuos, vīnlaiceigai i strauji klejoj apleik. Tī, kas nūgiun kaidu bacili, staigoj ar īsnom voi kuosej. Leidzeigys eipašeibys ir ari informacejai. Apleicejū gaisa, rokstu i elektroniskū informativū telpu veidoj, uztur, patierej i pavairoj sabīdreiba.
Latgolai ir pasaveics byut Eiropys vuortim iz austrumim i rūbežai ar Krīveju. Simboliska i strategiski svareiga vīta. Volūdys i kulturviesturyskuo specifika, kai ari nūvoda socialekonomiskuos problemys i vide kolpoj kai lobs materials provokacejom i muoksleigys saškeļteibys radeišonai. Tū ik pa laikam izmontoj vītejais prokrīvyskais kontingents. Jamūt vārā pīrūbežā dzeivojūšūs tautīšu (ari napiļsūņu) medeju lītuošonys parodumus i pīejameibu, atsakluoj aina, kas nav nūslāpums – daudzi Latgolys īdzeivuotuoji austrumu Lelū Bruo-li nauztver caur reidzinīkim pīrostū krasi rītumnīciskū histeriskū popularūs ziņu portalu radeitū prizmu. Vairumā izpratni veidoj vītejī i Krīvejis medeju ziņu izplateituoji. Golvyspiļsātā sprīž: nazkas juodora, cylvākim baroj propagandu! Voi juolīk koč kas pretim?
Mani dreižuok uztrauc tys, kai likt cylvākim dūmuot leidza i kritiskai izviertēt piļneigi vysu informaceju, kas ir apleik? I tū, kū soka sābri, i tū, kū ruoda TV. Kai nūškiert ziņu nu vīdūkļa? Kai atškiert apmoksuotu rokstu nu pietnīciskuo? Kai saprast, kurs medejs pīdar kuram? Kur īsasuoc i izabeidz piļsātys dūmis sabīdryskuos attīceibys, i kur – vītejuos avīzis vīdūklis? Kurs deputats ar prasmeigu PR medej bolsus i simpatejis? Iz kaida pamata jam var ticēt?
Lai lasītu šo rakstu tālāk, lūdzam autorizēties ar savu epastu vai sociālā tīkla kontu:
Ja vēl neesi abonents, aicinām pievienoties mūsu lasītāju pulkam. Abonējot digitālo žurnālu, saņemsi piekļuvi rakstiem nekavējoties.