Izskaniejuši XXV Vyspuoriejī latvīšu Dzīšmu svātki, i tymūs izgaismuota latvīšu kultura, folklora i volūda. Svātkūs svareiga kotrys dzīsmis melodeja, ideja, skaniejums, energetika, i nav tik byutiski, kurā latvīšu volūdys paveidā jei skaņ. Mums nav juosabeist vīnam nu ūtra i nav juonūdola latgalīšu tautysdzīsmis nu latvīšu dzīsmem. Latgaliskais kai leidzvierteigs latvyskajam skaņ Mežaparka estradē i atkluoj svareigu latvīšu tautys kodu kai reidzuonim i puornūvodnīkim, tai ari pošim latgalīšim. Radzams, ka Dzīšmu svātku skaņdorbus autori nu Latgolys ir sarakstejuši kai latgaliskajā, tai ari kūpnacionalajā skaniejumā. Cīši jauki byutu, ja arī Reigys autori nasabeitu vairuok raksteit dzīsmis arī latgalīšu volūdā.
Piec itūs svātku ir īkšeja prīca, ka Latgola ir nūvārtāta. Latgalīšu volūdu varēja dzierdēt dzīsmēs, daņčūs i tekstūs. Latgaliskais beja skaisti īpeits vysā svātku vaiņukā, rodūt tū svareigū apziņu par vīnuotu Latveju i lelū boguoteibu myusu dažuodeibā i vīneibā.
Maņ ir īpaša prīca un sirsneiga pateiceiba organizatorim par tū, ka itymūs Dzīšmu svātkūs – kai atkluošonys koncertā, tai guojīnī – pi Latgolys beja ari Varakļuoni, kas maņ, dzymušam Varakļuonūs, ir cīši svareigi.
Lai lasītu šo rakstu tālāk, lūdzam autorizēties ar savu epastu vai sociālā tīkla kontu:
Ja vēl neesi abonents, aicinām pievienoties mūsu lasītāju pulkam. Abonējot digitālo žurnālu, saņemsi piekļuvi rakstiem nekavējoties.