Puorkuopt puori zedinim, bet atsagrīzt • IR.lv

Puorkuopt puori zedinim, bet atsagrīzt

5
Zaiga Pavlovska

 

Vyss globojās mozuos lītuos i vītuos. Kotru reizi, kod atsagrīžu Rēzeknē nu eisuoka ci garuoka braucīņa, saprūtu, ka asu sātā. Ite ir īpaša aura, ite ir poši tyvuokī. Itūšaļt pavasars pylnā plaukumā izkuors vysus sovus puču lyndrakus i par tū nasakaunej. I tai izdoru i es.

Nūsaveru, kai vysi aizbrauc iz Reigu. Tys beja seņ, i suope jau izsuopāta. Ruodejuos, ka īsastuos palākuo rutina. A nikuo nabeja – liktineigs pagrīzīņs, kurs lyka maņ palikt Rēzeknis sirdī, atnese pīredzi, kura izmaineja vairuokys munys dzeivis pozicejis. Beju parosta škoļneica, kura agri kliva par mamu, bet tys namaiseja studēt i pīpiļdeit dzeivis sapynus. Nui, iz Afriku breivpruoteigajā dorbā es vēļ naasu nūbraukuse, bet TV zylajūs ekranūs asu bejuse daudzi. Suokumā ar šovu Dzīdūšuos saimis, turpynuojumā ar Koru kari 3. Vēļ vysys īspiejis paraudzeit laimi Saiminīks meklej sīvys (smejūs). Jo es nabyutum palykuse ite, īspiejams, iz vīnys skotuvis ar Laimu Vaikuli nabyutum stuoviejuse, nabyutum dzīdovuse iz myusu Rēzeknis lapnuma, Latgolys viestnīceibys Gors, skotuvis, natyktu īraksteita dzīsme kūpā ar muosu i mamu i vēļ, i vēļ, i vēļ. 

Piļsāta ir nalela, kotru trešū iz īlys satyktū es sveicynoju, nūglobuot navar nikuo, tok saceit, ka nav īspieju atsateisteit, navar. Mozī biznesi dzymst, vairuoki ari munā pruotā, i pa vydu vysam ari muna ūtruo meita. Tū radzu kai zeimi, ka ite juopalīk, juopaleidz izaugt meitom, taipat kai nazkod paleidzēja maņ. I vēļ atrast mīlesteibu.

Lai lasītu šo rakstu tālāk, lūdzam autorizēties ar savu epastu vai sociālā tīkla kontu:


Ja vēl neesi abonents, aicinām pievienoties mūsu lasītāju pulkam. Abonējot digitālo žurnālu, saņemsi piekļuvi rakstiem nekavējoties.

Saņem svarīgākās ziņas katru darba dienas rītu