Grybu dzeivuot! – tai Ontona vuordi izskaņ jaunajā grupys Bez PVN albumā Reits. Tys niu, ruodīs, ir sinonims munai «atpakaļ» sajiutai.
Goda suokuos izdūmuoju, ka juopamaina dzeive. Muosys jau dzeivoj Anglejā, i varbyut tei ir īspieja padareit kaidu fizisku dorbu, pavādynuot golvu i saprast, kai tod byut tymā dzeivē iz prīšku. Plans vīnkuoršs, bet… izaruod, ka ar dorbu, daļu saimis rādā i virtualū Latveju datorā tam «grybu dzeivuot!» ir cīši par moz. Napaguoja i na treis mieneši īcarātuo vysmoz goda vītā, kod otkon sliedžu vaļā sovys sātys durovys. Atpakaļ. Ar vīnu nu golvanajim īmeslim – maņ ir svareigi, kab byutu ari tei īrostuo latgaliskuo sajiuta.
Navaru syudzētīs, ka latviskuo latgaliskuma datryuktu ari svešuos zemēs: var raksteit draugim viestulis, sajimt gostus, var dareit sovus latgaliskūs dorbus ari škārsteiklā, var tīšraidēs viertīs, kai prezentej jaunuos latgaliskuos gruomotys, var latvīšu sātā Londonā iz svātku reizem pasaklauseit latgalīšu dzīsmis. Nu tei kotra reize ir taida kai svietejamuo dīna.
Lai lasītu šo rakstu tālāk, lūdzam autorizēties ar savu epastu vai sociālā tīkla kontu:
Ja vēl neesi abonents, aicinām pievienoties mūsu lasītāju pulkam. Abonējot digitālo žurnālu, saņemsi piekļuvi rakstiem nekavējoties.